¹ Ngaleso sikhathi uHerode umtetrarki waluzwa udumo lukaJesu, ² waze wathi ezincekwini zakhe : Lo nguJohane uMbhapathizi ; yena uvukile kwabafileyo; kungalokho lawa mandla asebenza kuye. ³ Ngokuba uHerode wayembambile uJohane , wambopha, wamfaka etilongweni ngenxa kaHerodiya umkaFiliphu umfowabo, ⁴ lokhu uJohane wayethe kuye: Awuvunyelwe ube naye. ⁵ Kuthe efuna ukumbulala, wesaba abantu, ngokuba bathi ungumprofethi. ⁶ Kepha ngosuku lokuzalwa kukaHerode indod akazi kaHerodiya yasina phambi kwabo, yamjabulisa uHerode, ⁷ kwenzeka ukuba ayithembise ngesifungo ukuyipha lokho engakucela. ⁸ Yona isifundisiwe ngunina yathi : Ngiphe lapha ngoqwembe ikhanda likaJohane uMbhapathizi. ⁹ Inkosi yadabuka, kepha ngenxa yezifungo zayo nangenxa yababehlezi nayo ekudleni yayaleza ukuba inikwe, ¹⁰ yathuma yamnquma uJohane ikhanda etilongweni. ¹¹ Ikhanda lakhe lalethwa ngoqwembe, lanikwa intombazana; yaliyisa kunina. ¹² Kwafika abafundi bakhe, bathabatha isidumbu, basimbela; baya bambikela uJesu. UJesu usuthisa amadoda ayizinkulungwane eziyisihlanu (Mark. 6:30; Luk. 9:12; Joh. 6:1) ¹³ Wathi uJesu esekuzwile lokho , wamuka lapho ngomkhumbi , waya endaweni eyihlane eyedwa. Kepha izixuku zathi sezikuzwile , zamlandela ngezinyawo ziphuma emizini. ¹⁴ Waphuma, wabona isixuku esikhulu ; waba nesihe ngaso , waphulukisa abagulayo babo. ¹⁵ Selishonile, abafundi bakhe beza kuye , bathi: Le ndawo iyihlane, isikhathi sesihambile; mukisa izixuku ukuba ziye emizaneni, zizithengele ukudla. ¹⁶ Kepha uJesu wathi kubo : Akuswelekile ukuba bamuke ; bapheni nina ukudla. ¹⁷ Bathi kuye : Asinalutho lapha , kuphela izinkwa eziyisihlanu nezinhlanzi ezimbili. ¹⁸ Wayesethi: Ziletheni lapha kimi. ¹⁹ Wayeseyala izixuku ukuba zihlale phansi etshanini , wazithabatha izinkwa eziyisihlanu n ezinhlanzi ezimbili , wabheka ngasezulwini , wazibusisa, wazihlephula, wabanika abafundi izinkwa, abafundi baphakela izixuku. ²⁰ Badla bonke, basutha, babutha imvuthuluka eseleyo, iziqabetho eziyishumi nambili ezigcwele. ²¹ Kepha abadlayo kwakungathi amadoda a yizinkulungwane eziyisihlanu ngaphandle kwabesifazane nabantwana. UJesu uhamba phezu kolwandle (Mark. 6:45; Joh. 6:16) ²² Wayesecindezela masinyane abafundi ukuba bangene emkhunjini , bamandulele ukuya phesheya, aze amukise izixuku. ²³ Esezimukisile izixuku wenyukela entabeni eyedwa ukuyokhuleka ; sekuhlwile, wayeyedwa lapho. ²⁴ Kepha umkhumbi wawususukile amastadiyu amaningi emhlabathini , ushukunyiswa ngamaza, ngokuba umoya wawuphambene nabo. ²⁵ Ngomlindo wesine wobusuku weza kubo ehamba phezu kolwandle. ²⁶ Kepha abafundi sebembonile ehamba phezu kolwandle bashaywa luvalo , bethi yisithunzi; bakhala ngokwesaba. ²⁷ Kodwa uJesu wakhuluma kubo masinyane , wathi: Yimani isibindi; yimina, ningesabi. ²⁸ UPetru wayesephendula , wathi kuye : Nkosi, uma kunguwe , yisho ukuba ngize kuwe phezu kwamanzi. ²⁹ Wayesethi: Woza. Wehla-ke uPetru emkhunjini, wahamba phezu kwamanzi, weza kuJesu. ³⁰ Kepha ebona umoya wesaba ; eseqala ukushona wakhala wathi : Nkosi, ngisindise! ³¹ Masinyane uJesu welula isandla , wambamba, wathi kuye : Awu, wena onokukholwa okuncinyane, ungabazeleni na? ³² Sebekhwele emkhunjini, umoya wanqamuka. ³³ Abasemkhunjini bakhuleka kuye , bathi: Ngempela uyiNdodana kaNkulunkulu. ³⁴ Sebewelile bafika ezweni laseGenesaretha. ³⁵ Athi ukumazi amadoda aleyo ndawo , athuma izigijimi kul o lonke izwe langakhona; baletha kuye bonke abagulayo. ³⁶ Bamncenga ukuba bathinte nje umphetho wengubo yakhe ; bonke abawuthinta basindiswa.