¹ Ungcono ompofu ohamba ekupheleleni kwakhe kunophambene ngezindebe zakhe eyisiwula. ² Futhi akulungile ukuba umphefumulo ungabi nakwazi ; oshesha ngezinyawo uyaduka. ³ Ubuwula bomuntu buchitha indlela yakhe , kepha inhliziyo yakhe iyamthukuthelela uJehova. ⁴ Imfuyo iyenezela abangane abaningi, kepha ompofu uyashiywa ngumngane wakhe. ⁵ Ufakazi wamanga akayekwa, nophafuza amanga akayikusinda. ⁶ Baningi abancenga izikhulu; bonke bangabangane bomuntu wezipho. ⁷ Bonke abazalwane bompofu bayamzonda ; kakhulu kangakanani abangane badedela kude naye; uyabaxosha ngamazwi, kepha awasekho. ⁸ Ozuza ukuqonda uthanda umphefumulo wakhe ; ogcina ingqondo uyakufumana okuhle. ⁹ Ufakazi wamanga akayekwa, nophafuza amanga uyakubhubha. ¹⁰ Ukutamasa akufanele isiwula ; kakhulu kangakanani akufanele ukuba inceku ibuse phezu kwezikhulu. ¹¹ Ukuhlakanipha komuntu kubambezela intukuthelo yakhe ; kuludumo lwakhe ukudlula esiphambekweni. ¹² Ukufutheka kwenkosi kunjengokubhonga kwengonyama, kepha isihhe sayo sinjengamazolo etshanini. ¹³ Indodana eyisiwula iyinhlupheko kayise , nokuxabana komfazi kungukuconsa njalonjalo. ¹⁴ Indlu nemfuyo kuyifa elivela koyise , kepha umfazi ohlakaniphileyo uvela kuJehova. ¹⁵ Ubuvila bushonisa ebuthongweni obunzima, nesidenge siyalamba. ¹⁶ Ogcina umyalo ulonda umphefumulo wakhe , kepha onganaki izindlela zakhe uyakufa. ¹⁷ Onomusa kompofu utshe leka uJehova, nomsebenzi wakhe uyawubuyisela kuye. ¹⁸ Yilaye indodana yakho , lisekhona ithemba ; ungabhekisi inhliziyo yakho ukuyibulala. ¹⁹ Onolaka olukhulu uyathweswa ihlawulo , ngokuba uma umophula, umelwe ukukuphinda. ²⁰ Yizwa isiluleko, wamukele ukulaywa, ukuze uhlakaniphe ekugcineni. ²¹ Kukhona amacebo amaningi enhliziyweni yomuntu , kepha isiluleko sikaJehova siyakuma. ²² Ukuthandwa komuntu kubangwa ngumusa wakhe ; ompofu ungcono kunomuntu wamanga. ²³ Ukumesaba uJehova kungokokuphila ; onakho uhlezi anelisi we, akahanjelwa ngububi. ²⁴ Ivila liyafaka isandla salo esitsheni; alisibuyiseli nasemlonyeni walo. ²⁵ Shaya isideleli , ongenalwazi uyakuthola ukuqonda ; sola oqondileyo , uyakuqonda ukwazi. ²⁶ Ochitha uyise noxosha unina uyindodana ehlazisayo nebanga amahloni. ²⁷ Yeka, ndodana yami, ukulalela ukulaywa, uyakuduka emazwini okwazi. ²⁸ Ufakazi omubi uyadelela ukwahlulela; umlomo wababi uyagwinya ukona. ²⁹ Izahlulelo zilungiselwa izideleli, nemivimbo umhlane weziwula.