¹ Iwayini liyisideleli , uphuzo olunam andla lungumxokozeli ; bonke abaduka ngalo abahlakaniphile. ² Ingebhe ngenkosi injengokubhonga kwengonyama; oyithukuthelisayo wona umphefumulo wakhe. ³ Kuludumo kumuntu ukuhlala kude nokuxabana , kepha zonke iziwula ziyaphikisana. ⁴ Ngenxa yobusika ivila ali yikulima; ngalokho uyakuthekela ngesikhathi sokuvuna, kungekho lutho. ⁵ Isiluleko enhliziyweni yomuntu sinjengamanzi ajulileyo , kepha umuntu oqondileyo uyakusikhipha. ⁶ Abantu abaningi bayamemezela , kube yilowo nalowo umusa wakhe , kepha ngubani ongafumana umuntu othembekileyo na? ⁷ Olungileyo ohamba ekupheleleni kwakhe , babusisiwe abantwana bakhe emva kwakhe. ⁸ Inkosi ehlezi esihlalweni sokwahlulela ihlakaza konke okubi ngamehlo ayo. ⁹ Ngubani ongasho ukuthi : Ngihlanzile inhliziyo yami , sengihlambulukile ezonweni zami, na? ¹⁰ Izisindo ezimbili nama-efa amabili, kokubili kuyisinengiso kuJehova. ¹¹ Naye umntwana uyaziwa ngezenzo zakhe , uma isenzo sakhe sihlanzekile , noma siqotho. ¹² Indlebe ezwayo neso elibonayo, uJehova wenzile kokubili. ¹³ Ungathandi ubuthongo , funa ufikelwe ngubumpofu ; vula amehlo akho , uyakusutha ngesinkwa. ¹⁴ Kubi, kubi, kusho umthengi; kepha esehambile uyazigabisa. ¹⁵ Kukhona igolide namarubi amaningi , kepha ukwazi kwezindebe kuyigugu elinqabileyo. ¹⁶ Thatha ingubo yoyisibambiso somfokazi, umbambe abe yisibambiso omela abezizwe. ¹⁷ Isinkwa samanga simnandi kumuntu , kepha ngasemuva umlomo wakhe uyakugcwaliswa ngohlalwane. ¹⁸ Amacebo onke ayaqiniswa ngokululekana; yilwa impi ngamasu. ¹⁹ Ohamba encetheza uyambula izimfihlakalo ; ngalokho ungahlangani naye ovula kakhulu umlomo wakhe. ²⁰ Oqalekisa uyise nonina, isibani sakhe siyakucimeka esigayegayeni. ²¹ Imfuyo ingatholwa ngokushesha ekuqaleni , kepha ukuphela kwayo akuyikubusiswa. ²² Ungasho ukuthi : Ngiyakuphindisela okubi , yethemba kuJehova , uyakukusindisa. ²³ Izisindo ezimbili ziyisinengiso kuJehova , nesilinganiso senkohliso asilungile. ²⁴ Izinyathelo zomuntu zingezikaJehova ; pho, umuntu angaqonda kanjani indlela yakhe na? ²⁵ Kulugibe ukusho ngamawala ukuthi : Kungcwele, abesebuya acabange emva kwezithembiso zakhe. ²⁶ Inkosi ehlakaniphileyo iyahlakaza ababi , iphindisele phezu kwabo ukushinga kwabo. ²⁷ Umoya womuntu uyisibani sikaJehova , siphenya konke okuphakathi komuntu. ²⁸ Umusa neqiniso kuyalonda inkosi ; isihlalo sayo sobukhosi sisekelwa ngomusa. ²⁹ Udumo lwabasha lungamandla abo, nesivunulo sabadala singubumpunga. ³⁰ Imivimbo elimazayo ihlanza ububi, nezishayo okuphakathi komuntu.