¹ Wayesephendula uJobe, wathi: ² Ngizwile izinto eziningi ezinjalo; nina nonke ningabaduduzi ababi. ³ Amazwi angumoya nje awayikuphela yini ? Ucunulwa yintoni ukuba uphendule na? ⁴ Nami ngingakhuluma njengani ; uma imiphefumulo yenu ibisesikhundlen i somphefumulo wa mi, bengiyakuhlanganisa amazwi ngani , ngininikinele ikhanda lami. ⁵ Benginganiqinisa ngomlomo, induduzo yezindebe zami inidambise. ⁶ Noma ngikhuluma, ubuhlungu bami abudanjiswanga; noma ngiyeka, kuyini okumuka kimi na? ⁷ Kepha manje ungikhathazile, uyichithile yonke indlu yami. ⁸ Ungicindezele, kungubufakazi; ukonda kwami kuyangivukela , kufakaze ebusweni bami. ⁹ Ulaka lwakhe luyangidwengula, lungizingele; uyangigedlela amazinyo; isitha sami singicijisela amehlo aso. ¹⁰ Bangikhamisela imilomo yabo , bangimukula e sihlathini ngenhlamba , bangihlanganyela. ¹¹ UNkulunkulu uyanginikela kubantu abonakeleyo , angiphonse esandleni sababi. ¹² Ngangihlezi kahle, wangichoboza; wangibamba ngentamo, wangiphahlaza; wangimisa ngibe yisigcibisholo. ¹³ Abacibishelayo bakhe bangihaqa ; uyaqhekeza izinso zami engenasihawu ; uchithela inyongo yami emhlabathini. ¹⁴ Uyangidiliza nokudiliza futhifuthi, angidumele njengeqhawe. ¹⁵ Ngithungile indwangu yamasaka phezu kwesikhumba sami . ngingcolisile uphondo lwami othulini. ¹⁶ Ubuso bami bubomvu ngok ukhala; ezinkosheni zami kukhona ithunzi lokufa, ¹⁷ noma kungekho ubudlova ezandleni zami nokukhuleka kwami kulungile. ¹⁸ Mhlaba, ungathukusi igazi lami; ukukhala kwami makungabi nandawo. ¹⁹ Namanje bheka , ufakazi wami usezulwini ; ummeli wami usezindaweni eziphakemeyo. ²⁰ Abangane bami bayangiklolodela; iso lami liphophoza izinyembezi kuNkulunkulu ²¹ ukuba amphikele umuntu kuNkulunkul u nendodana yomuntu kumakhelwane wayo. ²² Ngokuba iyingcosana iminyaka eyakubalwa , ngingakahambi indlela engingayikubuya kuyo.