¹ Izwi likaJehova elafika kuJeremiya umprofethi ngezizwe. ² NgeGibithe ngempi kaFaro Nekho inkosi yaseGibith e eyayingasemfuleni u - Ewufrathe eKharikemishi , owayinqoba uNebukadinesari , inkosi yaseBabele , ngomnyaka wesine kaJehoyakimi indodana kaJosiya, inkosi yakwaJuda. ³ Lungisani amahawu nezihlangu, nisondele empini. ⁴ Bophelani amahhashi, nikhwele nina bamahhashi, nisuke nime ninezigqoko zempi, niphucuze imikhonto, nembathe amabhantshi ensimbi. ⁵ Ngikuboneleni na ? Baphelile amandla , babuyele emuva . Amaqhawe abo anqotshiwe, ayabaleka nokubaleka engabheki emuva ; luvalo nxazonke, usho uJehova. ⁶ Onejubane makangabaleki naye, kungaphunyuki neqhawe; ngasenyakatho eceleni komfula u-Ewufrathe bayakhubeka, bawe. ⁷ Ngubani lo owenyuka njengeNayile, omanzi akhe agubha njengemifula. ⁸ IGibithe lenyuka njengeNayile , amanzi alo agubha njengemifula . Lithi: Ngiyakwenyuka, ngisibekele umhlaba; ngiyakuchitha umuzi nabahlala kuwo. ⁹ Yenyukani, mahhashi, nihlanye, zinqola, aphume amaqhawe : oKushe noPhuthi ababambe izihlangu, namaLudi abambe ensala umnsalo. ¹⁰ Lolu suku lungusuku lweNkosi uJehova Sebawoti , usuku lokuphindisela lokuba aziphindisele kwabamelene naye . Inkemba iyakudla isuthe , izanelise ngegazi labo , ngokuba iNkosi uJehova Sebawoti inom hlatshelo ezweni lasenyakatho ngasemfuleni u-Ewufrathe. ¹¹ Khuphukela kwaGileyadi , uthathe ibhalisamu , wena ntombi , ndodakazi yaseGibithe; usebenzisela ize imithi eminingi, ukuphuluka akukho kuwe. ¹² Izizwe zizwile ngehlazo lakho , umhlaba ugcwele ukukhala kwakho ; ngokuba iqhawe likhubeka ngelinye, awa omabili kanyekanye. ¹³ Izwi uJehova alikhuluma kuJeremiya umprofethi ngokuza kukaNebukadinesari, inkosi yaseBabele, ukuchitha izwe laseGibithe. ¹⁴ Yazisani eGibithe , nizwakalise eMigidoli , nizwakalise naseNofi naseThahipanesi, nithi: S uka ume , uzilungise, ngokuba inkemba iyadla nxazonke zakho. ¹⁵ Abanamandla bakho bakhukhulelweni na ? Abemanga, ngokuba uJehova wabahlohloloza. ¹⁶ Wakhubekisa abaningi, yebo, bawa omunye phezu komunye, bathi: Sukani, sibuyele kubantu bakith i nasezweni lokuzalwa kwethu , sisuke enkembeni ecindezelayo. ¹⁷ Bamemeza khona, bathi: U Faro inkosi yaseGibithe ungumsindo , udlulisile isikhathi esimisiweyo. ¹⁸ Kuphila kwami , isho iNkos i egama layo linguJehova Sebawoti , impela njengeThabori phakathi kwezintaba , nanjengeKarmeli ngaselwandle, kanjalo uyakufika. ¹⁹ Zenzele izinto zokuthunjwa , ndodakazi, ohlala eGibithe , ngokuba iNofi liyakuba yincithakalo, lishiswe kungabe kusabakho ohlala kulo. ²⁰ IGibithe liyisithokazi esihle kakhulu , kepha kuvela isibawu enyakatho , sesifikile. ²¹ Abaqashwa balo phakathi kwalo banjengamathole akhuluphalisiweyo; nabo babuyele emuva, babaleka kanyekanye, abemanga, ngokuba usuku lwengozi yabo lubehlele, isikhathi sokuhanjelwa kwabo. ²² Ukuhashaza kokuhamba kwalo kunjengokwenyoka ; ngokuba bahamba nempi, balifikele bephethe amazembe njengabagawuli bemithi. ²³ Bagawula ihlathi lalo , usho uJehova , ngokuba alinakuhanjw a, lokhu bebaningi kunesikhonyane, bengenakubalwa. ²⁴ Indodakazi yaseGibithe iyakujabhiswa , inikelwe esandleni sabantu basenyakatho. ²⁵ UJehova Sebawoti, uNkulunkulu ka-Israyeli, uthi: Bheka, ngiyakujezisa u- Amoni waseNo , noFaro, neGibithe, nawonkulunkulu balo, namakhosi alo , yebo, uFaro nabamethembayo, ²⁶ ngibanikele esandleni sabafuna ukuphila kwabo , nasesandleni sikaNebukadinesari, inkosi yaseBabele , nasesandleni sezinceku zakhe , andukuba lakhiwe njengasezinsukwini zasendulo, usho uJehova. ²⁷ Kepha unges abi wena Jakobe , nceku yami, ungapheli amandla , Israyeli, ngokuba bheka , ngiyakukusindisa usekude , nenzalo yakho ezweni lokuthunjwa kwayo; uJakobe uyakubuya, aphumule, agcineke, angesatshiswa muntu. ²⁸ Ungesabi wena Jakobe , nceku yami , usho uJehova , ngokuba nginawe , ngokuba ngiyakuqeda ngokupheleley o zonke izizwe engikuxoshele kuzo , kepha wena angiyikukuqeda ; kodwa ngiyakukulaya ngokwahlulela , ngingakwenzi ube ngongenacala.