¹ Bheka inceku yami engiyisekelayo , okhethiweyo wami othokoza ngay e umphefumulo wami; nginikele umoya wami phezu kwakhe , uyakukhiphela izizwe ukwahlulela. ² Akayikukhala, adazuluke, angezwakalisi izwi lakhe ezitaladini. ³ Umhlanga ofecekileyo akayikuwaphula, umongo othunqayo akayikuwucima; uyakukhipha ukwahlulela ngeqiniso. ⁴ Akayikudangala, aphele amandla , aze amise ukwahlulela emhlabeni ; neziqhingi ziyakuhlalela umthetho wakhe. ⁵ Usho kanje uNkul unkulu uJehova owadala izulu, waleneka, nowawendlala umhlaba nokuvela kuwo, nowanika abantu abakuwo ukuphefumul a nomoya kwabahamba kuwo, uthi: ⁶ Mina Jehova ngikubizile ngokulunga , ngiyakubamba isandla sakho , ngikugcine, ngikubeke ube yisivumelwano sabantu nokukhanya kwabezizwe, ⁷ ukuze uvule amehlo ezimpumputhe , ukhiphe iziboshwa etilongwen i nabahlezi ebumnyameni etilongweni. ⁸ NginguJehova; yilo igama lami ; angiyikunika omunye inkazimulo yami , nezithombe ezibaziweyo udumo lwami. ⁹ Izinto zakuqala zifikile , sengimemezela izinto ezintsha ; zingakaqhamuki, ngiyanizwisa zona. Ihubo elisha ¹⁰ Mhubeleni uJehova ihubo elisha , nodumo lwakhe , kusukela emikhawulweni yomhlaba , nina enehlela elwandle nakho konke okukulo , nina ziqhingi nabakhileyo kuzo. ¹¹ Ihlane nemizi y alo makujabul e nemizana abakhileyo kuyo abakwaKedari , bahube abakhile emadwaleni, benanele beseziqongweni zezintaba. ¹² Mabanike uJehova udumo, bamemezele udumo lwakhe eziqhingini. ¹³ UJehova uyaphuma njengeqhawe ; njengendoda yempi uyavusa ukushisekela kwakhe; uyakhala, yebo, uyabangalasa, enze ubuqhawe phezu kwezitha zakhe. ¹⁴ Sekuyisikhathi eside ngithulile , ngathula ngazibamba ; sengiyakukhala njengobelethayo, ngiphefuzele, ngibitoze kanyekanye. ¹⁵ Ngiyakwenza ize izintaba namagquma , ngomise yonke imifino ya wo, ngenze imifula ibe yiziqhingi, ngenze amachibi ukuba ashe. ¹⁶ Ngiyakuhambisa izimpumputhe ngendlela ezingayaziyo ; emikhondweni ezingayaziyo ngiyakuzihola ; ngiyakwenza ubumnyama bube ngukukhanya phambi kwazo, namagebhugebhu ukuba ahlelenjwe ; ngiyakwenza lezi zinto ngingazishiyi. ¹⁷ Bayakubuyiselwa emuva, bajabhe nokujabha labo abethemba ezithombeni ezibaziweyo, abasho ezithombeni ezibunjiweyo ukuthi : Ningonkulunkulu bethu. ¹⁸ Yizwani nina zithulu; bhekani nina zimpumputhe, ukuze nibone. ¹⁹ Ngubani oyimpum puthe ngaphandle kwenceku yami , nesithulu njengesithunywa sami engisithumayo , na? Ngubani oyimpumputhe njengopheleleyo, oyimpumputhe njengenceku kaJehova, na? ²⁰ Ubona izinto eziningi, kepha awuqapheli; izindlebe zakhe zivulekile, kepha akezwa. ²¹ Kwaba kuh le kuJehova ngenxa yokulunga kwakh e ukuba akhulise umthetho, awudumise. ²² Kepha laba bangabantu abaphangiweyo nabamukiweyo ; bonke bacushiwe emigodini, bafihliwe ematilongweni ; bangabokuphangwa, akakho obophulayo, yebo, bayimpango, kungekho oshoyo ukuthi: Buyisa. ²³ Ngubani phakathi kwenu obeka indlebe kulokhu, aqaphele, ezwele isikhathi esizayo, na? ²⁴ Ngubani owanikela uJakobe ukuba aphangwe , no-Israyeli kubo abaphangi, na? Angithi nguJehova , esonile kuye , nabangavumanga ukuhamba ngezindlela zakhe, nabangawulalelanga umthetho wakhe? ²⁵ Wayesethela phezu kwakhe ukufutheka kwentukuthelo yakhe , namandla empi; kwamvuthela nxazonke , kepha akakwazanga ; kwamshisa, kepha akakubekanga enhliziyweni yakhe.