¹ Khona uJesu wakhuluma ezixukwini nakubafundi bakhe, ² wathi: Ababhali nabaFarisi bahlezi esihlalweni sikaMose. ³ Ngakho-ke konke abanitshela khona, kwenzeni, nikugcine, kodwa ningenzi njengemisebenzi yabo; ngokuba bayakhuluma, bangenzi; ⁴ babopha imithwalo enz ima, bayibeke emahlombe abantu ; kepha bona abavumi ukuyifukula ngomunwe wabo. ⁵ Kepha imisebenzi yonke yabo bayenza ukuba babonwe ngabantu ; amafilakteriyu abo bawenza abe banzi, bawenze abe makhulu amachopho. ⁶ Bathanda izindawo ezingenhla ekudleni nezihla lo eziphambili emasinagogeni, ⁷ nokubingelelwa ezigcawini, nokubizwa ngabantu ngokuthi Rabi . ⁸ Kepha nina maningabizwa ngokuthi Rabi ; ngokuba munye umfundisi wenu, nina nonke ningabazalelwane. ⁹ Ningabizi muntu emhlabeni ngokuthi uyihlo ; ngokuba munye uyih lo, osezulwini. ¹⁰ Futhi ningabizwa ngokuthi abaholi; ngokuba munye umholi wenu, uKristu. ¹¹ Kodwa omkhulu kini akabe yisikhonzi senu. ¹² Kepha yilowo nalowo oziphakamisayo uzakuthothiswa, nalowo ozithobayo uzakuphakanyiswa. ¹³ Maye kinina babhali nabaFarisi , bazenzisi, ngokuba nivalela abantu umbuso wezulu ! Ngokuba aningeni nina , nabangenayo anibavumeli ukungena. ¹⁴ Maye kinina babhali nabaFarisi , bazenzisi, ngokuba nidla izindlu zabafelokazi, nangokuzenzisa nenza imikhuleko emide ! Ngalokho-ke niyakwamukeliswa ukulahlwa okukhulu. ¹⁵ Maye kinina babhali nabaFarisi , bazenzisi, ngokuba nihamba ulwandle nomhlaba ukuba nithole nokuba iproselite lilinye , lithi selaba njalo nilenze indodana yesihogo ngokuphindiwe kunani! ¹⁶ Maye kinina baholi abayizimpumputhe enithi : Ofunga ithempeli akulutho, kodwa ofunga igolide lethempeli uzibophile! ¹⁷ Ziwula, zimpumputhe, ngokuba yikuphi okukhulu kunegolide nethempeli elingcwelisa igolide na? ¹⁸ Futhi: Yilowo ofunga i -altare akulutho , kodwa ofunga umnikelo ophezu kwalo uzibophile. ¹⁹ Zimpumputhe, yikuphi okukhulu kunomnikelo ne-altare elingcwelisa umnikelo na? ²⁰ Ngakho-ke ofunga i-altare ufunga lona nakho konke okuphezu kwalo. ²¹ Nofunga ithempeli ufunga lona nohlezi kulo. ²² Nofunga izulu ufunga isihlalo sobukhosi sikaNkulunkulu n ohlezi phezu kwaso. ²³ Maye kinina babhali nabaFarisi , bazenzisi, ngokuba nithela okweshumi kwesinkuntshane, nokwentshungu, nokodonqa, niyeke okunzima komthetho: ukwahlulela nesihawu nokukholwa! Benimelwe ukwenza lokhu, ningakuyeki nalokho. ²⁴ Baholi abayizimpumputhe, nihluza insensane, niginge ikamela. ²⁵ Maye kinina babhali nabaFarisi , bazensizi, ngokuba nihlambulula ingaphandle lenkezo nesitsha , kepha ngaphakathi kugcwele impango nokuhuheka! ²⁶ Mfarisi oyimpumputhe , hlanza kuqala ingaphakathi lenkezo , ukuze kuhlanzeke nengaphandle layo. ²⁷ Maye kinina babhali nabaFarisi , bazenzisi, ngokuba nifana namaliba acakiweyo abonakala emahle ngaphandle , kanti ngaphakathi agcwele amathambo abafileyo nokungcola konke! ²⁸ Kanjalo nani ngaphandle nibonakala kubantu nilungile, kanti ngaphakathi nigcwele ukuzenzisa nobubi. ²⁹ Maye kinina babhali nabaFarisi , bazenzisi, ngokuba nakha amaliba abaprofethi, nihlobisa amathuna abalungileyo! ³⁰ Nithi: U ma sasikhona emihleni yawobaba , sasingayikuhlanganyela nabo egazini labaprofethi. ³¹ Kanjalo niyazifakazela nina ukuthi ningamadodana ababulala abaprofethi. ³² Nani gcwalisani isilinganiso sawoyihlo. ³³ Zinyoka, nzalo yamabululu , niyakukubalekela kanjani ukulahlwa kwasesihogweni na? ³⁴ Ngakho-ke, bhekani, mina ngithuma kini abaprofethi , nabahlakaniphileyo, nababhali; abanye kubo niyakubabulala, nibabethele; abanye niyakubashaya emasinagogeni enu, nibaxoshe imizi ngemizi ³⁵ ukuba kufike phezu kwenu igazi lonke elilungileyo elachithwa emhlabeni, kusukela egazini lika -Abela olungileyo kuze kube segazini likaZakariya indodana kaBarakiya enambulala phakathi kwethempeli ne-altare. ³⁶ Ngiqinisile ngithi kini: Konke lokhu kuyakufika phezu kwalesi sizukulwane. ³⁷ Jerusalema, Jerusalema, wena obulala abaprofethi nokhanda ngamatshe abathunyelwe kuwe, kukangaki ngithanda ukubuthela ndawonye abantwana bakho njengesikhukukazi sibuthela amazinyane aso phansi kwamaphiko aso , kepha anivumanga. ³⁸ Bhekani, indlu yenu isisala nani. ³⁹ Ngokuba ngithi kini : Anisayikungibona nize nithi : U busisiwe ozayo egameni leNkosi.