¹ Kwathi uJesu eseqedile lawo mazwi , wamuka eGalile, weza emikhawulweni yaseJudiya phesheya kweJordani. ² Izixuku ezinkulu zamlandela, waziphulukisa khona. ³ Kwase kusondela kuye abaFarisi , bamlinga bathi : Kuvunyelwe yini ukuba indoda ilahle umkayo noma ngaliphi icala na? ⁴ Waphendula, wathi kubo : Anifundanga yini ukuthi owadala ekuqaleni wabenza owesilisa nowesifazane, ⁵ wathi: Ngenxa yalokho umuntu uyakushiya uyise nonina , anamathele kumkakhe; labo ababili bayakuba nyamanye, na? ⁶ Ngakho abasebabili , kodwa banyamanye . Ngakho-ke lokho akuhlanganisileyo uNkulunkulu, umuntu makangakwahlukanisi. ⁷ Bathi kuye : Pho, uMose wayalelani ukuthi makanikwe incwadi yesahlukaniso, alahlwe, na? ⁸ Wathi kubo : Ngenxa yobulukhuni benhliziyo ye nu uMose wanivumela ukwahlukana nabo omkenu, kepha kusukela kwasekuqaleni kwakungenjalo. ⁹ Namanje ngithi kini : Yilowo nalowo olahla umkakhe kungengokuphinga , aganwe ngomunye, uyaphinga; noganwa ngolahliweyo uyaphinga. ¹⁰ Abafundi bathi kuye : Uma injalo ind aba yomuntu nomkakhe , akukuhle ukuganwa. ¹¹ Kepha wathi kubo : Akusibo bonke abangalamukela leli zwi , kuphela abakunikiweyo. ¹² Ngokuba kukhona abathenwa abazalwa benjalo kwasesiswini sikanina ; kukhona nabathenwa abathenwe ngabantu ; kukhona futhi abathenwa abazithenileyo ngenxa yombuso wezulu. Ongakwamukela lokho akwamukele. Ukubusiswa kwabantwana (Mark. 10:13; Luk. 18:15) ¹³ Khona kwalethwa kuye abantwanyana ukuba abeke izandla phezu kwabo , akhuleke; kepha abafundi babakhuza. ¹⁴ UJesu wayesethi : Vumelani abantw ana, ningabenqabeli ukuza kimi , ngokuba umbuso wezulu ungowabanjalo. ¹⁵ Wayesebeka izandla phezu kwabo; wamuka lapho. Insizwa enothileyo (Mark. 10:17; Luk. 18:18) ¹⁶ Bheka-ke, kwasondela kuye othile , wathi: Mfundisi, ngiyakwenzantoni enhle ukuba ngibe nokuphila okuphakade na? ¹⁷ Wathi kuye : Ungibuzelani ngokuhle na ? Munye ongomuhle . Kepha uma uthanda ukungena ekuphileni, gcina imiyalelo. ¹⁸ Wathi kuye: Miphi na? UJesu wathi: Yile: Ungabulali, ungaphingi, ungebi, ungafakazi amanga; ¹⁹ yazisa uyihlo nonyoko ; wothanda umakhelwane wakho njengalokhu uzithanda wena. ²⁰ Insizwa yathi kuye: Konke lokho ngikugcinile; ngisasilalelweni na? ²¹ UJesu wathi kuye: Uma uthanda ukuphelela, hamba uthengise ngempahla yakho, uphe abampofu, khona uzakuba negugu ezulwini; uze ungilandele. ²² Yathi insizwa ukuba izwe leli zwi , yamuka idabukile , ngokuba yayinengcebo enkulu. ²³ Kepha uJesu wathi kubafundi bakhe : Ngiqinisile ngithi kini : Onothileyo uyakungena kalukhuni embusweni wezulu. ²⁴ Futhi ngithi kini : Kulula ukuba ikamela lingene ngentunja yosungulo kunokuba onothileyo angene embusweni kaNkulunkulu. ²⁵ Sebezwile lokho abafundi bethuka kakhulu, bathi: Pho, kungasindiswa bani na? ²⁶ Kepha uJesu ebabheka wathi kubo : Kubantu akunakwenzeka ; kepha kuNkulunkulu kungenzeka konke. Umvuzo wokuzidela (Mark. 10:28; Luk. 18:28) ²⁷ Khona uPetru wathatha wathi kuye : Bheka, thina sishiye konke , sakulandela. Pho, siyakutholani na? ²⁸ Wathi kubo uJesu : Ngiqinisile ngithi kini : Nina eningilandeleyo , ngokuphindukuzalwa lapho iNdodana yomuntu isihlezi esihl alweni senkazimulo yayo , nani niyakuhlala ezihlalweni zobukhosi eziyishumi nambili, nahlulele izizwe eziyishumi nambili zakwa-Israyeli. ²⁹ Nalowo oshiye izindlu , noma abafowabo, noma odadewabo, noma uyise, noma unina , noma abantwana, noma amazwe ngenxa yeg ama lami , uyakwamukeliswa okuphindwe kaningi, adle ifa lokuphila okuphakade. ³⁰ Kepha abaningi abokuqala bayakuba ngabokugcina , nabokugcina babe ngabokuqala.