¹ Indodana ehlakaniphileyo iyalaywa nguyise , kepha isideleli asilaleli ukukhuzwa. ² Umuntu uyadla okuhle ngesithelo somlomo wakhe , kepha umphefumulo wabambuluzayo uyadla ubudlwangudlwangu. ³ Olinda umlomo wakhe ugcina ukuphila kwakhe ; okhamisa izindebe zakhe uyakuba nencithakalo. ⁴ Umphefumulo wevila uyafisa, ungatholi lutho , kepha imiphe fumulo yabakhutheleyo iyakhuluphaliswa. ⁵ Olungileyo uyazonda amazwi amanga , kepha omubi ubanga amahloni , ahlazise. ⁶ Ukulunga kuyamlondoloza ondlela yakhe iphelele , kepha ububi buyachitha isoni. ⁷ Kukhona ozishaya ocebileyo , engenalutho kodwa ; kukhona ozish aya ompofu, enemfuyo enkulu. ⁸ Ihlawulo lokuphila komuntu liyingcebo yakhe , kepha ompofu akezwa ukukhuzwa. ⁹ Ukukhanya kwabalungileyo kuyathokoza, kepha izibani zababi ziyacimeka. ¹⁰ Ngokuziqhenya kuvela ukuxabana kuphela , kepha kwabalulekwayo kukhona ukuhlakanipha. ¹¹ Imfuyo etholakala kalula iyancipha , kepha obutha kancane kancane uyandiselwa. ¹² Ithemba elilitshazisiweyo ligulisa inhliziyo ; isifiso esigcwalisiweyo singumuthi wokuphila. ¹³ Odelela izwi uzehlisela ukubhujiswa, kepha owesaba imiyalo uyakuvuzwa. ¹⁴ Ukufundisa kohlakaniphileyo kungumthombo wokuphila , ukuze kudedwe ezihibeni zokufa. ¹⁵ Ukuqonda kahle kuveza umusa, kepha indlela yabambuluzayo ilukhuni. ¹⁶ Bonke abaqondileyo basebenza ngokwazi , kepha isiwula sihlakaza ubuwula. ¹⁷ Isithunywa esibi s iwela ebubini , kepha isigijimi esithembekileyo siyimpiliso. ¹⁸ Ubumpofu nehlazo kukuye onqaba ukulaywa , kepha onaka ukusolwa uyadunyiswa. ¹⁹ Isifiso esigcwalisiweyo simnandi emphefumulweni , kepha ukudeda ebubini kuyisinengiso kuzo iziwula. ²⁰ Ohamba nabahlakaniphileyo uyakuhlakanipha, kepha umngane weziwula uyakushoshozelwa yizo. ²¹ Ububi bulandela izoni, kepha abalungileyo bavuzwa ngokuhle. ²² Olungileyo ushiyela abantwana babantwana bakhe ifa , kepha ingcebo yesoni ibekelelwa olungileyo. ²³ Emqathweni wabampo fu kukhona ukudla okuningi , kepha kukhona okuchithwa ngenxa yokungalungi. ²⁴ Oyeka uswazi uyazonda indodana yakhe , kepha oyithandayo uyayilaya ngesineke. ²⁵ Olungileyo uyadla uze usuthe umphefumulo wakhe , kepha isisu sababi siyaswela.