¹ Nazi izaga zikaSolomoni: Indodana ehlakaniphileyo ithokozisa uyise, kepha indodana eyisiwula ilusizi kunina. ² Ingcebo yobubi ayisizi lutho, kepha ukulunga kophula ekufeni. ³ UJehova akavumi ukuba olu ngileyo alambe , kepha isifiso somubi uyasihlohloloza. ⁴ Isandla esinobudenge siveza ubumpofu , kepha isandla sokukhuthala siyacebisa. ⁵ Obutha ehlobo uyindodana ehlakaniphileyo ; olele ubuthongo ngesikhathi sokuvuna uyindodana ehlazisayo. ⁶ Izibusiso zisekha nda lolungileyo , kepha umlomo wababi uyafihla ubudlwangudlwangu. ⁷ Ukukhunjulwa kolungileyo kubusisekile, kepha igama lababi liyabola. ⁸ Ohlakaniphile ngenhliziyo uyakwamukela imiyalo , kepha isiwula esiphoshozayo siyakuwiswa. ⁹ Ohamba ngobuqotho uhamba ngoku londeka, kepha ohlanekezela izindlela zakhe uyakwaziwa. ¹⁰ Oqwayiza iso ubanga usizi, kepha osola ubuso nobuso uveza ukuthula. ¹¹ Umlomo wolungileyo ungumthombo wokuphila , kepha umlomo wababi ufihla ubudlwangudlwangu. ¹² Inzondo iyabanga ukuxabana , kepha u thando luyasibekela iziphambeko zonke. ¹³ Ezindebeni zoqondileyo kufunyanwa ukuhlakanipha , kepha uswazi lungolomhlane wongenangqondo. ¹⁴ Abahlakaniphileyo bayabekelela ukwazi , kepha umlomo wesiwula uyincithakalo eseduze. ¹⁵ Imfuyo yesicebi ingumuzi waso onamandla; incithakalo yabampofu ingubumpofu babo. ¹⁶ Umsebenzi wolungileyo ungowokuphila; inzuzo yababi ingeyokona. ¹⁷ Onaka ukulaywa usendleleni yokuphila , kepha owenqaba ukusolwa uyaduka. ¹⁸ Ofihla inzondo unezindebe zamanga; ophumisa inhlebo uyisiwula. ¹⁹ Lapho amazwi emaningi khona, akuphuthi ukuphambeka; obamba umlomo wakhe uhlakaniphile. ²⁰ Ulimi lolungileyo luyisiliva elikhethekileyo; ingqondo yababi iyinto encane. ²¹ Izindebe zolungileyo ziyondla abaningi , kepha iziwula ziyafa ngokuswela ingqondo. ²² Isibusiso sikaJehova siyacebisa; akenezeli usizi kuso. ²³ Ukwenza okubi kunjengokudlala kuso isiwula ; kunjalo ukuhlakanipha kumuntu onengqondo. ²⁴ Akwesabayo omubi kuyamehlela, nabakufisayo abalungileyo bayakuphiwa. ²⁵ Lapho sidlula isivunguvungu , akasekho omu bi, kepha olungileyo uyisisekelo esingunaphakade. ²⁶ Njengoviniga emazinyweni nomusi emehlweni , linjalo ivila kwabalithumileyo. ²⁷ Ukumesaba uJehova kuyandisa izinsuku , kepha iminyaka yababi iyancishiswa. ²⁸ Ithemba labalungileyo liyakuba yintokozo , kepha abakwethembayo ababi kuyakubhubha. ²⁹ Indlela kaJehova iyinqaba kopheleleyo, kepha incithakalo ikubenzi bokona. ³⁰ Olungileyo akayikunyakaziswa kuze kube phakade , kepha ababi abayikuhlala ezweni. ³¹ Umlomo wolungileyo uyathela ukuhlakanipha , kepha ulimi oluphambeneyo luyakunqunywa. ³² Izindebe zolungileyo ziyakwazi okuhle , kepha umlomo wababi okuphambeneyo.