¹ Ngase ngibona izulu elisha nomhlaba omusha ; ngokuba izulu lokuqala nomhlaba wokuqala kudlulile, nolwandle alusekho. ² Ngabona umuzi ongcwele, iJerusalema elisha , wehla uvela ezulwini kuNkulunkulu, ulungisiwe njengomlobokazi ohlotshiselwe umyeni wakhe. ³ Ngase ngizwa izwi elikhulu livela esihlalweni sobukhosi , lithi: Bheka, itabernakele likaNkulunkulu likubantu ; uyakuhlala nabo , babe ngabantu bakhe, yena uNkulunkulu abe nabo, ⁴ azesule izinyembezi zonke emehlweni abo ; ukufa akusayikuba khona ; nokudabuka, nokukhala, nobuhlungu akusayikuba khona ; ngokuba okokuqala kudlulile. ⁵ Wayesethi ohlezi esihlalweni sobukhosi : Bheka, ngenza konke kube kusha . Wathi: Loba, ngokuba lawa mazwi athembekile, aqinisile. ⁶ Wayesethi kimi: Sekwenzekile. Ngingu-Alfa no-Omega, ukuqala nokugcina. Owomileyo ngiyakumphuzisa ngesihle emthonjeni wamanzi okuphila. ⁷ Onqobayo uyakulidla ifa lalezo zinto, futhi ngiyakuba nguNkulunkulu kuye, yena abe yindodana kimi. ⁸ Kepha amagwala, nabangakholwayo, nabanengekayo, nababulali, nezifebe, nabathakathi, nabakhonza izithombe, nabo bonke abaqamba amanga, isabelo sabo siyakuba sechibini elivutha umlilo nesibabule, okungukufa kwesibili. Inkazimulo yeJerusalema lasezulwini ⁹ Kwase kufika enye yezingelosi eziyisikhombisa ezazinezitsha eziyisikhombisa ezigcwele izinhlupho eziyisikhombisa zokugcina, yakhuluma nami, yathi: Woza lapha, ngikukhombise umlobokazi, umkaWundlu. ¹⁰ Yamuka nami ngikuMoya , yaya entabeni enkulu nephakemeyo , yangikhombisa umuzi ongcwele waseJerusalema wehla ezulwini kuNkulunkulu, ¹¹ unenkazimulo kaNkulunkulu ; ukukhanya kwawo kwakunjengetshe elinenani elikhulu sengathi yitshe lejaspi elicwebezelayo, ¹² unogange olukhulu noluphake meyo, unamasango ayishumi nambili , nasemasangweni kukhona izingelosi eziyishumi nambili , kulotshwe kuwo amagama angawezizwe eziyishumi nambili zabantwana bakwa-Israyeli; ¹³ ngasempumalanga kwakukhona amasango amathathu , nangasenyakatho amasango amathathu , nangaseningizimu amasango amathathu , nangasentshonalanga amasango amathathu. ¹⁴ Ugange lomuzi lwalunezisekelo eziyishumi nambili , naphezu kwazo amagama ayishumi nambili abaphostoli abayishumi nambili beWundlu. ¹⁵ Owayekhuluma nami wayenohlanga lwegolide uku ba alinganise umuzi , namasango awo, nogange lwawo. ¹⁶ Umuzi umi unezinhlangothi ezine , nobude bawo bungangobubanzi bawo . Walinganisa umuzi ngohlanga, amastadiyu ayizinkulungwane eziyishumi nambili, ubude nobubanzi nokuphakama kwawo kulingene. ¹⁷ Walinganisa ugange lwawo , izingalo eziyikhulu namashumi amane nane , yisilinganiso somuntu esingesengelosi. ¹⁸ Nogange lwawo lwakhiwe ngejaspi , nomuzi wawungowegolide elihle , linjengengilazi ecwebezelayo. ¹⁹ Izisekelo zogange lomuzi zivunulisiwe ngawo onke amatshe anena ni elikhulu; isisekelo sokuqala siyijaspi , esesibili yisafire , esesithathu yikhalkedoni, esesine yisimaragidu, ²⁰ esesihlanu yisaridonikisi, esesithupha yisardiyu, esesikhombisa yikrisolithe, esesishiyagalombili yibherile , esesishiyagalolunye yitopazi , eseshumi yikrisoprasi, eseshumi nanye yihiyakinte, eseshumi nambili yi-amethiste. ²¹ Amasango ayishumi nambili ayengamaparele ayishumi nambili ; yilelo nalelo sango ngalinye laliyiparele linye . Isitaladi somuzi sasiyigolide elicwengekileyo, linjengengilazi ekhanyayo. ²² Angibonanga ithempeli kuwo, ngokuba iNkosi uNkulunkulu, uMninimandla onke, iyithempeli lawo kanye neWundlu. ²³ Umuzi awudingi ilanga nenyanga ukuba kukhanye kuwo , ngokuba inkazimulo kaNkulunkulu iyawukhanyisa, nesibani sawo siyiWundlu. ²⁴ Izizwe zi yakuhamba ekukhanyeni kwawo , namakhosi omhlaba aletha kuwo ubukhosi bawo; ²⁵ namasango awo awasoze avalwa emini , ngokuba ubusuku abuyikuba khona lapho; ²⁶ bayakuletha ubukhosi nodumo lwezizwe. ²⁷ Akusoze kwangena lutho olungcolileyo kuwo nowenza amanyala namanga, kuphela abalotshiwe encwadini yokuphila yeWundlu.