¹ Ngisindise, Nkulunkulu, ngokuba amanzi afikile emphefumulweni. ² Ngishone odakeni lobishi olujulileyo , kungekho kuma; ngingene emanzini alutwa; imisinga iyangicwilisa. ³ Ngikhathele ukukhala kwami , umphimbo wami ushile ; amehlo ami ayafiphala ekulindeleni uNkulunkulu wami. ⁴ Abangizonda ngeze baningi kunezinwele zekhanda lami ; baningi abafuna ukungiqeda beyizitha zami kungekho sici ; nengingakuphanganga ngakubuyisela. ⁵ Nkulunkulu, wena uyabazi ubuwula bami, nezono zami azifihlakele kuwe. ⁶ Mabangajabhiswa ngami ab akulindeleyo, Nkosi Jehova Sebawoti ; mabangahlazeki ngami abakufunayo, Nkulunkulu ka-Israyeli. ⁷ Ngokuba ngithwele isihlamba ngenxa yakho; ihlazo lisibekela ubuso bami. ⁸ Sengaba ngumfokazi kubafowethu, nowezizwe kubantwana bakamame. ⁹ Ngokuba ukushisekela indlu yakho kungidlile ; izithuko zabakuthukayo zingehlele. ¹⁰ Ngakhala, umphefumulo wami wazila; kwaba ngukudunyazwa kwami. ¹¹ Isaka ngalenza isambatho sami; ngaba yisaga kubo. ¹² Abahlezi esangweni bakhuluma ngami; izidakwa ziyangihaya. ¹³ Kodwa mina , umkhuleko wami ukuwe Jehov a esikhathini sokuzwelwa , Nkulunkulu; ngenxa yomusa wakho omkhul u ngiphendule eqinisweni lensindiso yakho. ¹⁴ Ngikhiphe odakeni , mangingashoni; mangisindiswe kubo abangizondayo , nasemanzini alutwa. ¹⁵ Isikhukhula samanzi masingangicwilis i, utwa lungangigwinyi , umgodi ungangivaleli emlonyeni wawo. ¹⁶ Ngiphendule, Jehova, ngokuba umusa wakho ulungile ; uphendukele kimi ngokobubele bakho obukhulu. ¹⁷ Ungayifihleli inceku yakho ubuso bakho, ngokuba ngiyahlupheka; shesha ungiphendule. ¹⁸ Sondela kuwo umphefumulo wami , uwuhlenge, ngikhulule ngenxa yezitha zami. ¹⁹ Wena uyakwazi ukuthukwa kwami , namahloni ami nokudunyazwa kwami ; zonke izitha zami ziphambi kwakho. ²⁰ Ukuthukwa kuyaphulile inhliziyo yami , ngigula kakhulu ; bengibheka ukuhawukelwa, kepha akwabakho, nabaduduzayo, kepha angibatholanga. ²¹ Banginika inyongo ibe ngukudla kwami ; ekomeni kwami bangiphuzisa uviniga. ²² Itafula labo malibe yisihibe phambi kwabo , libe lugibe kwabahlezi bezithulele. ²³ Amehlo abo mawafiphale , ukuze bangaboni ; izinkalo zabo zintengezele njalo. ²⁴ Thela phezu kwabo ukunengwa kwakho ; intukuthelo yakho evuthayo mayibafice. ²⁵ Umuzi wabo mawuchitheke; makungabikho ohlala ematendeni abo. ²⁶ Ngokuba oshaywe nguwe bayamzingela , baxoxa ngobuhlungu bezinkubela zakho. ²⁷ Yengezela ukona ekoneni kwabo; mabangezi ekulungeni kwakho. ²⁸ Mabesulwe encwadini yabaphilayo, bangalotshwa kanye nabalungileyo. ²⁹ Mina kodwa ngihluphekile , ngibuhlungu; insindiso yakho , Nkulunkulu mayingilondoloze. ³⁰ Ngiyakulibonga ngehubo igama likaNkulunkulu , ngimphakamise ngokubonga. ³¹ Kuyakuthandeka kuJehova kunenkomo , kunenkunzi enezimpondo nezinselo. ³² Kuyakuthi abayizivi bekubona , bajabule; nina enifuna uNkulunkulu , inhliziyo yenu mayiphile. ³³ Ngokuba uJehova uyabalalela abampofu, neziboshwa zakhe akazideleli. ³⁴ Uyakubongwa yizulu nomhlaba, yizilwandle nakho konke okuphila kuzo. ³⁵ Ngokuba uNkulunkulu uzakulisindisa iSiyoni , akhe imizi yakwaJuda; bazakuhlala khona, ibe yifa labo. ³⁶ Inzalo yezinceku zakhe iyakulidla ifa ; abathanda igama lakhe bayakuhlala kuyo.