UShalumi kaKore ka -Ebiyasafa kaKora , nabafowabo bendlu kayise , amaKorahi, babephethe umsebenzi wenkonzo , bengabalindisango etabernakele; oyise babemele ikamu likaJehova bengabalindisango.

Bona nabantw ana babo babephethe amasango endlu kaJehova , indlu yetende, belinda.

Abanye babephethe izitsha zenkonzo , ngokuba zangeniswa ngokubalwa , zakhishwa ngokubalwa.

Abanye abafowabo bamadodana amaKohati babephethe izinkwa zokubukwa ukuba bazilungise onke amasabatha.

Yena uShelomoti nabafowabo babephethe yonke ingcebo yezinto ezingcwele ezangcweliswa nguDavide inkosi , nezinhloko zawoyise , nezinduna zezinkulungwane nezamakhulu, nezinduna zempi.

KumaJisihari uKhenaniya namadodana akhe babephethe umsebenzi ongaphandle kwa-Israyeli, beyizinduna nabahluleli.